Աշխատանքային այցով Տալլինում գտնվող Հայաստանի նախագահ Վահագն Խաչատուրյանը՝ Էստոնիայի նախագահ Ալար Կարիսի հրավիրած աշխատանքային ընթրիքին դաշնամուր է նվագել։ Այս երևույթը՝ հայակական դեղին մամուլի և սոցիալական ցանցերի՝ նույնքան դեղին որոշ օգտատերերի էջերում ծաղրանքով ընդունվեց։
Մինչդեռ ՀՀ նախագահի դաշնամուր նվագելու փաստը բարձր գնահատականի է արժանացրել Էստոնիայի նախագահ Ալար Կարիսը, ով տպավորած այդ փաստից՝ ֆեյսբուքյան էջում գրել է։
«Որոշ ճշմարտություն կա հայկական ասացվածքում՝ ծերության աչքերով ընկեր փնտրիր, իսկ երիտասարդի աչքերով՝ ձի։ Նախագահ Խաչատուրյանի այցն օգնել է ընդհանուր ընկերներ գտնելու, ինչպես նաև նորարարական գաղափարներ ունենալու հարցում․․․ Երեկոն նաև իրական անակնկալներ մատուցեց. մի պահ պետք է բարձրացվեր «Էստոնիա» ռոյալի կափարիչը, և հայ գործընկերը պետք է կատարեր մի քանի վառ սետղծագործություններ: Այսպիսով երեկոյի վերջում կարող էի բոլոր տաղանդավոր մարդկանց կենացը խմել ու նշել, որ իմ սիրած երաժշտական գործերից մեկը հայ կոմպոզիտոր Արամ Խաչատուրյանի «Սպարտակ» բալետից «Ադաջիոն» է»։
Դժվար է հիշել նման դեպք, երբ Հայաստանի նախագահի մասին այս կերպ բարձր ու նրբանկատ ձևով արտահայտված լինեին այլ երկրների առաջնորդները։ Առավել ևս նման գնահատականի դժվար արժանացած լինեին ՀՀ երկրորդ և երրորդ նախագահները։
Դիվանագիտւթյունը միայն բարձրաստիճան այցերի ու հանդիպումների ժամանակ քաղաքական երկխոսությունն ու առանձնազրույցները չեն։ Դիվանագիտությունը նաև անձնական հատկանիշների բացահայտումն է, որը Վահագն Խաչատուրյանի դեպքում բավական գեղեցիկ ու նրբաճաշակ է մատուցվել։
Գեղեցիկ խոսքով համեմված գնահատականը, որը տվել է ՀՀ նախագահին Էստոնիայի նախագահը, դա միայն Վահագն Խաչատուրյանինը չէ։
Վահագն Խաչատուրյանը դաշնամուր նվագելով Էստոնիայի նախագահի ու մյուս բարձրաստիճան հյուրերի մոտ բացահայտել է ոչ միայն իր, այլև հայ ժողովրդի տաղանդը։
ՀՀ նախագահը գուցե և հենց դաշնամուրային գեղեցիկ կատարմամբ՝ Էստոնիային, ինչու չէ նաև աշխարհին է փոխանցել հայ ժողովրդի արարելու, ստեղծագործելու և խաղաղ ապրելու ուղերձը։ Ուղերձ, որն այսօր այնքան կարևոր է համշախարհային բախման կիզակետում հայտնված մեր երկրին ու ժողովրդին։
Մկրտիչ Իսրայելյան
