Բաժանորդագրվեք Zarkerak.am-ի տելեգրամ ալիքին։
Քննարկվում են բոլոր ուղղություններով արտահանման հնարավորությունները, այդ թվում նաև Թուրքիա։ Այս մասին լրագրողների հետ ճեպազրույցի ընթացքում հայտարարել է Հայաստանի վարչապետ Նիկոլ Փաշինյանը՝ պատասխանելով հարցին, թե արդյո՞ք դեպի Ռուսաստան ապրանքների արտահանման սահմանափակման ֆոնին քննարկվել է դեպի Թուրքիա արտահանումը ավելացնելու տարբերակը։
«Մեր գործարար պատվիրակությունն էր ուղևորվել Կարս և կարծում եմ Թուրքիայի գործարարների հետ քննարկումներ էին ունեցել։ Ենթադրում եմ, որ պետք է քննարկած լինեին փոխադարձ հետաքրքրություններ ներկայացրած հարցեր»,- հավելել է վարչապետ Փաշինյանը։
Հիշեցնենք, որ Հայաստանի և Թուրքիայի գործարար համայնքի ներկայացուցիչները Կարսում հանդիպել էին հունիսի 3-ին։ Ըստ «Արմենպրեսի» կողմերը ներկայացնելով սննդամթերքի, խմիչքների, շշալցված ջրի, հյութերի, մրգերի, ծխախոտի, շինարարության, զբոսաշրջության, ծաղկի արտադրության և այլ ոլորտները, ընդգծել են Հայաստանի և Թուրքիայի միջև առևտրի ոլորտում համագործակցության զգալի ներուժը և մտքեր փոխանակել ապագա համագործակցության հեռանկարների վերաբերյալ։
