Բաժանորդագրվեք Zarkerak.am-ի տելեգրամ ալիքին։
ՀՀ ՏԿԵ նախարար Դավիթ Խուդաթյանը հուլիսի 21-ին «Ճանապարհային դեպարտամենտ» հիմնադրամի գործադիր տնօրեն Արկադի Չերչինյանի, Արմավիրի մարզպետի, համայնքապետերի ուղեկցությամբ այցելել է Արմավիրի մարզ։
ՏԿԵ նախարարությունից հայտնում են, որ նախարարը նախ դիտարկել է Արմավիրի Բաղրամյան համայքի Վանանդ բնակավայրով անցնող շուրջ 11 կմ հանրապետական նշանակության ավտոճանապարհի հիմնանորոգման աշխատանքների ընթացքը: Այնուհետև նա մասնակցել է Մեծամոր համայնքի Շենավան բնակավայրի նորակառույց մանկապարտեզի բացմանը։
«Ավելի քան երկու տասնամյակ Շենավանը մանկապարտեզ չի ունեցել, սակայն 2023 թվականին հաստատված սուբվենցիոն ծրագրով ավելի քան 280 մլն դրամ արժեքով կառուցվել է 60 երեխայի համար նախատեսված, ամբողջությամբ նոր գույքով կահավորված մանկապարտեզ, որն այսօր իր դռները բացեց փոքրիկների համար:
Նախարարը շնորհավորել է շենավանցիներին մանկապարտեզի բացման կապակցությամբ և ընդգծել, որ Կառավարության «300 դպրոց, 500 մանկապարտեզ ծրագիրը ակտիվ փուլում է, և անհրաժեշտության դեպքում այն շարունակություն կունենա նաև 2026 թվականից հետո:
Հացիկ բնակավայրում էլ նախարարը հետևել է 110 երեխայի համար կառուցվող երկհարկանի մանկապարտեզի շինարարությանը: Աշխատանքները ակտիվ փուլում էին:
Հացիկ բնակավայրում նախարարը դիտարկել է նաև շուրջ 3,5 կմ հիմնանորոգվող տեղական նշանակության ավտոճանապարհի շինաշխատանքները, որոնք մեկնարկել են այս տարի և նախատեսվում են ավարտել մինչև տարեվերջ:
Խորոնք բնակավայրում նախարար Խուդաթյանը ներկա է գտնվել նոր սպորտային համալիրի կառուցման աշխատանքների հիմնարկեքին:
Ծրագրի իրականացման արդյունքում կկառուցվի 100 սանի համար նախատեսված նոր սպորտային համալիր՝ ավելի քան 488 մլն դրամով:
Նախարարը վստահություն է հայտնել, որ շինաշխատանքները կմեկնարկեն և կավարտվեն գրաֆիկին համապատասխան՝ պահպանելով որակի ամենաբարձր չափանիշները:
Նախարար Խուդաթյանն այցելել է նաև Վաղարշապատ և Փարաքար համայնքներ, որտեղ ակտիվորեն իրականացվում են ճանապարհաշինական աշխատանքներ:
Շինարարական բոլոր օբյեկտներում նախարարը տվել է մի շարք հանձնարարականներ և սահմանել ժամկետներ՝ դրանց կատարման համար»,- ասվում է հաղորդագրության մեջ:
