Բաժանորդագրվեք Zarkerak.am-ի տելեգրամ ալիքին։
Ֆրանսիայում և Իսպանիայում վերահսկողությունից դուրս եկած անտառային հրդեհների պատճառով տարհանվել է ավելի քան 250000 մարդ՝ հայտարարել են երկու երկրի իշխանությունները շաբաթ օրը՝ հուլիսի 25-ին։
Ֆրանսիայի հարավարևմտյան ափին մոլեգնող հրդեհները շարժվում են դեպի Բորդո։ Կառավարությունը հայտարարել է տարածաշրջանից 197000 մարդու տարհանման մասին։ X հարթակում Ֆրանսիայի վարչապետ Սեբաստիան Լըկորնյուն գրել է, որ Ժիրոնդ դեպարտամենտում փրկարարները բախվել են այսպես կոչված «կոնվեկտիվ հրդեհի»՝ բնական երևույթի, որը առաջացնում է քամու հոսանքներ, արագացնում է հրդեհի տարածումը և կարող է հանկարծակի փոխել ուղղությունը։ «Քաղաքացիական պաշտպանության մասնագետները երբեք նման երևույթի չեն հանդիպել»,- նշել է Ֆրանսիայի վարչապետը։
Փրկարարներից բացի, իշխանությունները հրդեհների վերացման գործում ներգրավել են ավելի քան 500 զինծառայողի: Շուտով նրանց կմիանա ևս 500 զինվորական՝ հայտնել է Ֆրանսիայի վարչապետը:
Իսպանիայում հրդեհներն արդեն ոչնչացրել են 130000 հեկտար անտառ՝ հայտարարել է Իսպանիայի վարչապետ Պեդրո Սանչեսը։ Նրա խոսքով՝ շաբաթ օրը եղանակային պայմանների բարելավումը հրշեջների համար «հնարավորության պատուհան» է ստեղծել` իրավիճակը վերահսկողության տակ վերցնելու համար, սակայն դրա զարգացումը մնում է անկանխատեսելի։ Իսպանիայի Ներքին գործերի նախարարությունը հայտնել է, որ Մադրիդից արևմուտք գտնվող գյուղերից ընդհանուր առմամբ 70000 մարդ է տարհանվել։
Հրդեհաշիջման աշխատանքներին օգնում են նաև եվրոպական մյուս երկրները՝ Իտալիան, Հունաստանը, Նիդերլանդները, Պորտուգալիան, Խորվաթիան, Չեխիան և Սլովակիան։
