Բաժանորդագրվեք Zarkerak.am-ի տելեգրամ ալիքին։
Երևանի քաղաքապետարանի լրատվության վարչությունը պարզաբանում է տարածել այսօր Նուբարաշենում տեղի ունեցած միջադեպի վերաբերյալ, որի հետևանքով 29-ամյա երիտասարդ է մահացել:
՛՛Նուբարաշենում արձանագրված միջադեպի վերաբերյալ տեղեկացնում ենք, որ այն տեղի է ունեցել 52 հա մակերես զբաղեցնող քաղաքային աղբավայրի չօգտագործվող հատվածում։
Մահացած անձը, որը մուտք էր գործել աղբավայրի տարածք նշված հատվածից, համայնքային կազմակերպության աշխատակից չէ։
Դեպքի բոլոր հանգամանքները պարզելու նպատակով իրավապահ մարմինների կողմից իրականացվում են անհրաժեշտ ուսումնասիրություններ և քննչական գործողություններ՛՛:
