Բաժանորդագրվեք Zarkerak.am-ի տելեգրամ ալիքին։
Ջերմոցային տնտեսությունների զարգացման պետական աջակցության ծրագրի շրջանակում սահմանվել է ջերմոցների կառուցման ավարտի երկամյա ժամկետ։ Համապատասխան որոշումը օգոստոսի 20-ին ընդունվել է Հայաստանի կառավարության նիստում։
Ավելի վաղ վերջնաժամկետը սահմանված էր 1,5 տարի։
Միևնույն ժամանակ վարկի մարման և տոկոսադրույքի սուբսիդավորման պայմանները մնում են անփոփոխ։ Միաժամանակ սահմանվել է, որ ծրագրի շրջանակում յուրաքանչյուր շահառու իրավունք ունի մեկ անգամ փոխադրել սուբսիդավորվող վարկը մի ֆինանսական հաստատությունից մյուսը (վարկի պահանջի իրավունքը փոխանցել մեկ այլ ֆինանսական հաստատության)՝ ֆինանսական հաստատությունների փոխադարձ համաձայնությամբ։
Ընդհանուր առմամբ Հայաստանում ջերմոցային տնտեսությունների կառուցման համար կնքվել է 20 վարկային պայմանագիր՝ 91,45 հա ընդհանուր մակերեսով։ Այս պահին փաստացի կառուցվել է 12 ջերմոց։
