Բաժանորդագրվեք Zarkerak.am-ի տելեգրամ ալիքին։
«Պուշկաշ Ակադեմիան» տարավ երրորդ անընդմեջ հաղթանակը։ Հունգարիայի առաջնության 5-րդ տուրում թիմը 1:0 հաշվով հաղթեց «Վաշաշին»։
Հաղթողների կազմում ամբողջական հանդիպում անցկացրեց Գեորգի Հարությունյանը։ Նա խաղաց կենտրոնական պաշտպանի դիրքում և SofaScore-ից ստացավ 7,3 գնահատական։
Հարությունյանն աչքի ընկավ փոխանցումների բարձր ճշգրտությամբ՝ 75 ճշգրիտ փոխանցում (93%), հաղթեց գետնային միակ մենապայքարը և հինգ օդային մենապայքարներից չորսը։ Նրա հաշվին է նաև մեկ առանցքային փոխանցում և մեկ հարված, որից հետո գնդակը դիպավ դարպասաձողին։
Հինգ տուրից հետո «Պուշկաշ Ակադեմիան» վաստակել է 12 միավոր և բարձրացել Հունգարիայի առաջնության մրցաշարային աղյուսակի առաջին հորիզոնական։
