Բաժանորդագրվեք Zarkerak.am-ի տելեգրամ ալիքին։
«Ռիսկերի վերաբերյալ ունենք գնահատումներ և այդ գնահատումների համար ունենք պահուստային միջոցներ, որոնք պետք է մեղմել, եթե այդ ռիսկերը նյութականան»,- ԱԺ ֆինանսավարկային և բյուջետային հարցերի մշտական հանձնաժողովի նիստում ասաց Ֆինանսների նախարար Վահե Հովհաննիսյանը:
Անդրադառնալով ԵԱՏՄ-ի հետ կապված խնդիրներին՝ Հովհաննիսյանը նշեց. «Ինչ վերաբերում է ԵԱՏՄ-ին, ես այդտեղ մեծ խնդիր չեմ տեսնում, ԵԱՏՄ-ից դուրս գալու իրավական մեխանիզմները, որոնք այդ հայտնի զեկույցում ներկայացված են, մեր կարծիքով դրանք հիմնավոր չեն: Մենք շարունակելու ենք այն ուղեծրով առաջ գնալ, ինչով գնացել ենք նախորդ ժամանակաշրջանում և հուսով ենք, որ այն խնդիրները, որոնք առաջացել են նաև 2026 թվականի հետ կապված դեպի ՌԴ մեր գյուղատնտեսական ապրանքների արտահանման հետ, այդ հարցերն ամբողջությամբ կլուծվեն կա՛մ այդ սահմանափակումները կվերանան, կա՛մ մեր ջանքերը դիվերսիֆիկացիայի հետ կապված կունենան հաջողություն, ընդ որում մենք արդեն ունենք մեծ հաջողություններ»:
