Բաժանորդագրվեք Zarkerak.am-ի տելեգրամ ալիքին։
Հայաստանի արտաքին գործերի և միջազգային առևտրի նախարարությունը ցավակցություն է հայտնել Թբիլիսիի Փոնիճալա թաղամասում տեղի ունեցած պայթյունի կապակցությամբ, որը մարդկային կյանքեր է խլել։
Այս մասին ասվում է ՀՀ ԱԳՄԱՆ-ի՝ «X»-ում հրապարակված հաղորդագրությունում։
«Մեր խորին ցավակցությունն ենք հայտնում Թբիլիսիի Փոնիճալա թաղամասում տեղի ունեցած ողբերգական պայթյունի կապակցությամբ, որը մարդկային կյանքեր է խլել»,- ասվում է հաղորդագրության մեջ։
ՀՀ արտաքին քաղաքական գերատեսչությունը ցավակցություն է հայտնել զոհվածների ընտանիքներին և հարազատներին՝ վիրավորներին մաղթելով շուտափույթ ապաքինում։
«Այս դժվարին պահին մենք համերաշխ ենք եղբայրական Վրաստանի ժողովրդի հետ»,- ասվում է ցավակցական ուղերձում։
Հիշեցնենք, որ Վրաստանում բնակելի շենքում պայթյունի հետևանքով 6 մարդ է զոհվել, երկրում Սգո օր է հայտարարվել։


