«Հայաստանն իր պահանջն է ներկայացնում խաղաղապահ ուժերին, որպեսզի իրենց առջև դրված պարտականությունները կատարեն»,- ԱԺ-ում այսօր լրագրողների հետ ճեպազրույցում ՔՊ պատգամավոր Արմեն Խաչատրյանն անդրադարձավ այն հարցին, թե Լաչինի միջանցքը բացելու ուղղությամբ ի՞նչ քայլեր է անում ՀՀ իշխանությունը․ «ՀՀ-ն դիվանագական ճանապարհով, բանակցությունների ճանապարհով փորձում է այս հարցը լուծել, այս պահի դրությամբ, կարծում եմ, այլ մեխանիզմներ չկան, որոնք կարող են կիրառվել ՀՀ-ի կողմից, այն, ինչը հնարավոր է կիրառել և օգտագործել՝ ամբողջ գործիքակազմով կիրառվում է»։
Խաչատրյանը շեշտեց նաև․ «Լաչինի միջանցքը պետք է բացվի առանց նախապայմանների, որևէ նախապայման ՀՀ-ի համար ընդունելի չէ»։
