Բաժանորդագրվեք Zarkerak.am-ի տելեգրամ ալիքին։
Փրկարար ծառայության արդիականացման հայեցակարգը պատրաստ է, կան կայացված որոշումներ:
Այս մասին հայտնել է ՆԳ նախարար Արփինե Սարգսյանը:
«Տարիներ շարունակ Փրկարար ծառայությունը տարբեր կառուցվածքային միավորների տեսքով է հանդես եկել Կառավարության ընդհանուր կազմում, և տարիներ շարունակ ըստ էության ըստ իր կազմակերպաիրավական ձևի, խոշոր հաշվով փոփոխություններ չեն եղել: Այս պահին ունենք ծառայություն, որոնք ունեն գործառույթներ, որոնք բնորոշ են Ներքին գործերի նախարարությանը, կան գործառույթներ, որոնք որ բնորոշ են ՆԳՆ կրթահամալիրին և այսպես շարունակ:
Մեր խնդիրն է զատել այս գործառույթները և ՓԾ կառուցվածքում թողնել այն գործառույթները, որոնք բնորոշ են միայն նախարարությանը ենթակա պետական մարմնին:
Պետք է նաև կառուցվածքային փոփոխություններ իրականացնենք, որովհետև ֆունկցիոնալից բխում է ճիշտ կառուցվածքը»,- ասել է նախարարը:
Ըստ Արփինե Սարգսյանի, միջազգային պրակտիկայում կարևոր է փրկարարական ծառայությունում ունենալ կամավորների ինստիտուտ:
«Ինչ է սա նշանակում: Սպայական ընդհանուր հաստիքակազմի անձնակազմին զուգահեռ կարող ենք ունենալ նաև կամավորական աշխատանք իրականացնողներ, որոնք կգործեն սպաների ղեկավարությամբ: Կարևոր է, որ կամավոր փրկարարական ինստիտուտի ներդրմամբ մենք թույլ տանք ՀՀ-ում զարգացնել այն մոտեցումը, որ համայնքը ևս իր անվտանգության երաշխավորն է: Այսինքն, համայքնում գտնվող յուրաքանչյուր անձ պատասխանատու է նաև տվյալ համայնքի հանրային անվտանգության համար»,- ասել է նախարարը:
