Բաժանորդագրվեք Zarkerak.am-ի տելեգրամ ալիքին։
Զինծառայողների բնակարանային ապահովման ուղղությամբ ներդրված ծրագրի շնորհիվ զգալի առաջընթաց կա։ Այս մասին սոցցանցի իր էջում հայտնել է ՊՆ մամուլի քարտուղարը:
«Մասնավորապես, 2020 թվականից գործում է ՀՀ ՊՆ համակարգի սպայական և ավագ ենթասպայական կազմերի պայմանագրային զինծառայողների կողմից բնակարան կամ բնակելի տուն ձեռք բերելու կամ բնակելի տուն կառուցելու նպատակով մատչելի և արտոնյալ պայմաններով երկարաժամկետ հիփոթեքային վարկավորման ծրագիր:
Ծրագրի միջոցով 07.11.2025թ. դրությամբ՝ բնակարան կամ բնակելի տուն է ձեռք բերել 2035 զինծառայող:
2022-2025 թթ. ընդհանուր բյուջեից ՀՀ ՊՆ համակարգի բնակարանային կարիք ունեցող զինծառայողների, զինվորական կենսաթոշակի իրավունք ձեռք բերած նախկին զինծառայողների, զոհված (մահացած) և զինվորական հաշմանդամության կենսաթոշակի իրավունք ունեցող նախկին զինծառայողների ընտանիքների բնակարանային ապահովության համար տրվել է 8 միլիարդ 16 միլիոն 781 հազար 500 ՀՀ դրամ, որից այս պահի դրությամբ ծախսվել է 7 միլիարդ 152 միլիոն 333 հազար ՀՀ դրամ, և բնակարան է ձեռք բերել 564 շահառու», ասվում է գրառման մեջ։
