Բաժանորդագրվեք Zarkerak.am-ի տելեգրամ ալիքին։
«Հոկտեմբեր ամսվա տվյալներով՝ ՀՀ-ում աշխատավարձով ապահովված աշխատատեղերի նոր պատմական ռեկորդ է արձանագրվել ունենք արդեն 810074 աշխատատեղ, որը նախորդ ամսվա համեմատ 5000-ով ավել է: 2018-ի հոկտմբերի համեմատ՝ 223895-ով: Իսկ ընդհանուր աշխատավարձի համախառն ֆոնդն ավելացել է 149 միլիարդ դրամով և միջին աշխատավարձը, որ հոկտեմբերին կազմել է 313 հազար՝ ավելացել է 135 հազար դրամով, այս կարգի տնտեսական ցուցանիշները բարեբախտաբար և ուրախալի կերպով նորություն չեն»,- կառավարության նիստում այս մասին ասաց վարչապետ Նիկոլ Փաշինյանը:
«Հոկտեմբերին նախորդ տարվա հոկտեմբերի համեմատ ունեցել ենք 10.1 տոկոս տնտեսական ակտիվության ցուցանիշի աճ : 2025-ի առաջին 10 ամիսները, նախորդ տարվա հունվար-հոկտեմբերի համեմատ տնտեսական ակտիվության ցուցանիշը կազմել է 8,1 տոկոս: 9-ը ամիսներով արդեն ունենք 6 տոկոս արձանագրված տնտեսական աճ, արդեն ոչ առաջին տարին մեր տնտեսության աճը կանխատեսածից տեսանելիորեն ավել է»,- նշեց նա ու ևս մեկ անգամ շնորհակալություն հայտնեց ՀՀ-ում աշխատող, արդյունք ստեղծող և հարկեր վճարող քաղաքացիներին:
