Բաժանորդագրվեք Zarkerak.am-ի տելեգրամ ալիքին։
Չինաստանի և Նեպալի սահմանին գտնվող «Գյիրոնգ» ավտոմոբիլային անցակետի շրջանում սողանք է տեղի ունեցել, հայտնում է «ՌԻԱ Նովոստի»-ն:
Ինչպես նշվում է, սահմանային անցակետի հետ ավտոմոբիլային հաղորդակցությունը խզված է, բացակայում են կապն ու էլեկտրամատակարարումը։
Երկրի զբոսաշրջության վարչությունից հայտնում են, որ սողանքի հետևանքով անհետ կորել է ավելի քան 380 զբոսաշրջիկ, այդ թվում՝ 291 օտարերկրացի։
«Զբոսաշրջային ընկերություններից ստացված նախնական տվյալների համաձայն՝ պարզվել է, որ տուժած շրջաններում անհետ կորել է 384 զբոսաշրջիկ, այդ թվում՝ 291 օտարերկրյա քաղաքացի և 93 նեպալցի»,- ասվում է վարչության կայքում հրապարակված հայտարարության մեջ։
