Բաժանորդագրվեք Zarkerak.am-ի տելեգրամ ալիքին։
«Պատարագը չի կարող ծառայեցվել վերնախավին, ուղղված է Աստծուն, Հիսուս Քրիստոսին, ոչ մի քաղաքական ենթատեքստ չի կարող ունենալ»,- ճեպազրույցում այս մասին ասաց Առողջապահության նախարար Անահիտ Ավանեսյանը:
Ինչ վերաբերում է վարչապետի ժամանելուց առաջ եկեղեցիներում իրականացվող անվտանգության միջոցառումներն՝ Ավանեսյանը նշեց.«Գուցե երկրի քաղաքական վերնախավի ներկայությունը ենթադրում է անվտանգային որոշակի գործողություններ, չեմ կարծում որևիցե խնդիր կա»:
Խոսելով պատարագների ժամանակ օրինակ Գյումրու Յոթ վերք եկեղեցում որոշ քաղաքացիների կողմից Գարեգին Բ-ի անունը հնչեցնելուն՝ նախարարն ասաց.«Որրոշ քաղաքացիներ փորձում են քաղաքական ենթատեքստ ունեցող հայտարարություններ բարձրացնել եկեղեցու ներսում, ինչը նաև պատարագը շեղելու և դրանից հայացքները տանելուն է ուղղված, կարծում եմ այս սադրիչ գործողությունները հաճելի չեն, բայց իշխանությունը շատ տոլերանտ է վերաբերվում, և մեր քաղաքացիների ոչ մի իրավունք չի խափանվում»,- ասաց նախարարն ու հավելեց, որ շատեր են աջակցում հոգևոր նորոգման ճանապարհին:
Խոսելով վարչապետի հետ հանդիպված եպիսկոպոսների մասին՝ նա ասաց.«Քաջություն է պահանջվում այս մարդկանց կողմից հստակ դիրքորոշում արտահայտել, որ այո եկեղեցու կանոնագրքին հետևելը պետք դառնա միանշանակ»:
