Բաժանորդագրվեք Zarkerak.am-ի տելեգրամ ալիքին։
Ավստրալիայի Վիկտորիա նահանգում ջերմային ալիքների պատճառով ոչնչացվել է ավելի քան 300,000 հեկտար անտառ, և հրդեհները կարող են շարունակվել ևս մի քանի շաբաթ, հաղորդում է Guardian-ը։
Ավելի վաղ հաղորդվել էր, որ Ավստրալիայի Վիկտորիա նահանգում անտառային հրդեհների պատճառով մեկ մարդ արդեն մահացել է, իսկ հարյուրավոր մարդիկ անօթևան են մնացել։
Ավստրալիայի դաշնային կառավարությունը և Վիկտորիայի նահանգային կառավարությունը համատեղ հատկացրել են 19.5 միլիոն ավստրալական դոլար (մոտ 13 միլիոն ԱՄՆ դոլար) ֆինանսական օգնություն՝ տուժածներին օգնելու համար։
«Վիկտորիայի տարածքում անտառային հրդեհները ոչնչացրել են առնվազն 119 կառույց և այրել ավելի քան 300,000 հեկտար անտառ, քանի որ նահանգը շարունակում է պայքարել հրդեհների դեմ, որոնք կարող են մոլեգնել շաբաթներ», – գրում է Guardian-ը։
Հրատարակության կողմից մեջբերված Վիկտորիայի նահանգային հրդեհների վերահսկման կենտրոնի տվյալներով՝ շաբաթ օրը կեսօրին նահանգում գրանցվել է 67 չմարված հրդեհ, որոնցից 10-ը շարունակում էին անվերահսկելիորեն տարածվել։
