Բաժանորդագրվեք Zarkerak.am-ի տելեգրամ ալիքին։
«Դուք մեզ մեղադրում եք Դաշնակցության դեմ արշավ անելու մեջ, խոսում եք մեր վարկանիշից, ասում եք, որ Դաշնակցությունը 135 տարվա կուսակցություն է, ես առաջարկ ունեմ, եթե այդպես է, ուրեմն մենակ գնացեք ընտրությունների, բա 135-ամյա Դաշնակցությունը կգնա կմտնի 71-ամյա Քոչարյանի թևի տակ, բա ձեզ սազեց, բա դուրս եկեք այդ թևի տակից, ձեր ասելիքն ասեք: Դուք իրականում այն մարդկանց շահերի պաշտպանն եք, ումից թալանվել է այդ գումարը, դուք ձեր ժողովրդին թողել գանցել եք ժողովրդից թալանողին եք պաշտպանում»,-ԱԺ նիստում հայտարարեց ՔՊ խմբակցության ղեկավար Հայկ Կոնջորյանը:
Անդրադառնալով ընդդիմադիրների ելույթներին՝ Կոնջորյանը նկատեց. «Պարոն Մինասյանն ասում է՝ Աստծուց վախեցեք, Դաշնակցությո՞ւնն է Աստծուց վախենում, բա Աստծուց վախեցողը Քոչարյանի հետ գործ կբռնի: Մի հրաշալի եռամիասնություն է՝ Դաշնակցություն, Կտրիճ Ներսիսյան և Ռոբերտ Քոչարյան, չէ մի չէ սուրբ երրորդություն: Ասում են պարգևավճարներով կաշառում եք ձեր թիմակիցներին, մենք որևէ մեկին չենք կաշառում, դա վարձատրություն է, բայց պրոբլեմը նա է, որ դուք ոչ միայն ստանում եք այդ վարձատրությունը, դուք երեսպաշտորեն գալիս եք այստեղ դիստանցավորվում եք այդ վարձատրությունից: Եթե ազգային երեսպաշտության հուշարձան լինի կառուցելու, դա ձեզնից որևէ մեկի դեմքով պետք է լինի»:
