Բաժանորդագրվեք Zarkerak.am-ի տելեգրամ ալիքին։
Ռուսաստանի նախագահի մամուլի քարտուղար Դմիտրի Պեսկովը հայտարարել է, որ Եվրամիության դիվանագիտության ղեկավար Կայա Կալասը չպետք է լինի Ռուսաստանի հետ բանակցող, քանի որ դա նրա շահերից չի բխում։
«Կայա Կալասի շահերից է բխում բանակցող չլինելը։ Նրա համար հեշտ չի լինի։ Եթե հիշում եք, Պուտինն ասաց, որ դա կարող է լինել ցանկացած մեկը, ով ժամանակ չի ունեցել շատ վատ բաներ ասելու», – ասել է Պեսկովը «Վեստի» լրատվական գործակալության թղթակից Պավել Զարուբինի հետ հարցազրույցում։
Ավելի վաղ Ռուսաստանի նախագահ Վլադիմիր Պուտինը հայտարարել էր, որ Մոսկվան ցանկացած առաջնորդի համարում է ԵՄ կողմից բանակցող, ով Ռուսաստանի մասին «որևէ տհաճ բան չի ասել»։ Պուտինը նաև հույս է հայտնել, որ Ռուսաստանը և Եվրոպան կվերականգնեն հարաբերությունները։
