Բաժանորդագրվեք Zarkerak.am-ի տելեգրամ ալիքին։
«2020 թվականի 44-օրյա պատերազմից հետո ռազմական համագործակցությունը ՀԱՊԿ անդամ երկրների հետ դադարել է, մենք նրանց համարում ենք դասալիք»,-Zarkerak.am-ի հետ զրույցում անդրադառնալով ՀԱՊԿ-ի հետ կապված հայտարարություններին՝ ասաց Գերագույն խորհրդի նախկին պատգամավոր, քաղաքական գործիչ Ազատ Արշակյանը:
Նրա խոսքով՝ ՌԴ-ի հետ տնտեսական հարաբերությունները պատերազմական, թշնամական են. «Գազի գինը թող թանկացնեն, թող փակեն, աշխարհում գազ շատ կա, մենք ուրիշներից ավելի հարար պայմաններով ավելի էժան գնով գազ կգնենք: Այդ պայմանները, որոնցով մենք համագործակցում ենք ՌԴ-ի հետ՝ ապագաղութատիրական են, ակնհայտորեն պարտադրված ռեժիմ է, մենք կարող ենք դրանից դուրս գալ և ազգայնացնել ունեցվածքը: Եթե նրանք գազը թանկացնեն, հենց պայմանագրի խախտման պատճառով կարող ենք դադարեցնել այդ բնագավառում ՌԴ-ի հետ հաագործակցությունը և գազամուղն առգրավել»:
Ըստ Արշակյանի՝ Պուտինն ուզում է, որ ՀՀ-ն միանա ՌԴ կամպանիային, օրինակ՝ Ուկրաինայի դեմ. «Աշխարհի զարգացած 51 պետություն պատերազմի մեջ է ՌԴ-ի հետ, մեզ ՌԴ-ն ուզում է ներքաշել այդ պատերազմի մեջ, արյուն է ուզում մեզնից: Քանի որ մենք չենք մասնակցում իր պատերազմին, մենք այլևս Ռուսաստանին պետք չենք, ինքն անպետք դաշնակցի կարգավիճակ է տալիս մեզ: ՀՀ-ն շատ կարևոր երկիր է ՌԴ-ի համար, դրա համար էլ չարչարվում է, ՌԴ-ն փրկիչի կոչումից զրկվում է, մենք իրեն զրկում ենք արժանապատվությունից, մենք փրկիչի ուսադիրները պոկում ենք, դա շատ ցավալի է: Հայաստանն իր ճանապարհով գնում է, գործերը կարգավորված են, խաղաղությունը հաստատված է և տնտեսական բնագավառում լուրջ աջակիցներ ունենք, Հայաստանին ոչինչ չի կարող անել»:
