Բաժանորդագրվեք Zarkerak.am-ի տելեգրամ ալիքին։
«2026 թվականի օգոստոսին աշխատատեղերի բացարձակ ռեկորդային թիվ ենք արձանագրել: Նախկինում ոչ մի անգամ չենք ունեցել, որ օգոստոսին պատմական մաքսիմում ունենանք»,-Կառավարության նիստում ասաց վարչապետ Նիկոլ Փաշինյանը:
Վարչապետը թվեր ներկայացրեց. «Օգոստոսին ունենք 830 417 աշխատատեղ, որը 2017 թվականի օգոստոսի համեմատ ավել է 307 130-ով: Ընդհանուր աշխատավարձային ֆոնդը 2017 թվականի օգոստոսի համեմատ ավել է 186 միլիարդ դրամով, այսինքն՝ շուրջ 4 անգամ աշխատավարձային ֆոնդն ավելացել է: Եկամտային հարկի ցուցանիշները 2026 թվականի օգոստոսին 2017 թվականի օգոստոսի համեմատությամբ ավելացել են 32 միլիարդ դրամով, իսկ միջին աշխատավարձը 2017 թվականի օգոստոսի համեմատ ավելացել է 161 հազար դրամով կամ 94 տոկոսով: 9 ամիսների արդյունքներով պետական բյուջե է մուտքագրվել 2 տրիլիոն 308 միլիարդ դրամ, որը նախորդ տարվա 9 ամիսների համեմատ ավել է 14.7 տոկոսով: Այս ամեն ինչով հանդերձ մենք ահռելի ստվեր ունենք, և ես բավարարված չեմ ստվերի դեմ մեր պայքարի տեմպերով, մեթոդներով և արդյունավետությամբ»:
