Բաժանորդագրվեք Zarkerak.am-ի տելեգրամ ալիքին։
Հայաստանում գործարկվել է աշխարհի ամենաառաջադեմ AI տվյալների կենտրոններից մեկը։
Հայաստանը պաշտոնապես միացել է սեփական արհեստական բանականության ենթակառուցվածք ունեցող երկրների շարքին: Eleveight AI-ը հայտարարել է Հարավային Կովկասում առաջին AI Factory-ի գործարկման մասին Գագարինում, որը հագեցած է NVIDIA Blackwell B300 նորագույն չիպերով՝ աշխարհում գեներատիվ արհեստական բանականության համար նախատեսված ամենաառաջադեմ ճարտարապետություններից մեկով։
Նախագծի արժեքն արդեն գնահատվում է ոչ թե 70 մլն ԱՄՆ դոլար, ինչպես հաղորդվել էր ավելի վաղ, այլ մինչև 120 մլն ԱՄՆ դոլար՝ միայն առաջին փուլում։ Կենտրոնը նախագծված է ընդլայնվելու մինչև 35 ՄՎտ հաշվարկային հզորության և դասվում է գերհամակարգչային դասի ենթակառուցվածքների շարքին։
Ընկերությունը շեշտում է, որ Հայաստանն ունի արհեստական բանականության հաշվարկների նոր գլոբալ հարթակ դառնալու ներուժ՝ որպես այլընտրանք Միացյալ Նահանգներին և Արևմտյան Եվրոպային: Նշված առավելությունների թվում են էներգիայի ցածր ծախսերը, տեխնիկական մասնագետների առկայությունը և տարածաշրջանի աճող միջազգային կապը։
Eleveight AI-ի գործադիր տնօրեն Արման Ալեքսանյանը նշել է, որ նախագծի նպատակն է Հայաստանը վերածել ոչ միայն արհեստական բանականության օգտագործողի, այլև մի երկրի, որտեղ արհեստական բանականությունը ստեղծվում, ուսուցանվում և ներդրվում է: Կան քննարկումներ նաև հնարավորությունները, որ ընկերությունը ընդլայնվի Կենտրոնական Ասիայի և Եվրոպայի շուկաներ։
Կենտրոնի հաշվողական հզորության 20% տոկոսը անվճար կտրամադրվի հայկական համալսարաններին, հետազոտական կենտրոններին և ոչ առևտրային կազմակերպություններին: Նախագիծն արդեն համարում են որպես Հայաստանը տարածաշրջանային տեխնոլոգիական և արհեստական բանականության կենտրոնի վերածելու ավելի լայն ռազմավարության մի մաս, որի շրջանակներում նաև կգործարկվի FireBird-ի արհեստական բանականության տվյալների կենտրոնը Հրազդանում՝ առաջին փուլում 500 միլիոն դոլարի և երկրորդ փուլում 4 միլիարդ դոլարի ներդրումներով։
Blackwell B300 չիպերը համարվում են աշխարհում արհեստական բանականության համար նախատեսված ամենաառաջադեմ չիպերից և նախատեսված են գեներատիվ արհեստական բանականության, գերհամակարգիչների և բարձրաբեռնված հաշվարկային համակարգերի հետ աշխատանքի համար։ Դրանց հասանելիությունը տրամադրվում է միայն սահմանափակ թվով երկրների և կարգավորվում է ԱՄՆ-ի արտահանման վերահսկողության խիստ համակարգով։ Ներկայումս նման չիպերի հասանելիություն ունեն ընդամենը 10 երկրներ՝ ԱՄՆ-ը, Դանիան, Իտալիան, Ֆրանսիան, Շվեդիան, Գերմանիան, Ճապոնիան, Հնդկաստանը, Հայաստանը և Ավստրալիան։
