Զեղծարարությունների կանխարգելում «Ստոպ» գործիքով AEB Mobile-ում

Բաժանորդագրվեք Zarkerak.am-ի  տելեգրամ ալիքին։

Հայէկոնոմբանկի AEB Mobile/AEB Online համակարգերում ս.թ. հուլիսի 1-ից հասանելի է «Ստոպ» գործիքը, որը նախատեսված է առցանց տիրույթում ֆինանսական զեղծարարությունների կանխարգելման համար: Այն վերաբերում է ինչպես ֆիզիկական անձ հաճախորդներին, այնպես էլ անհատ ձեռնարկատերերին և իրավաբանական անձանց:

«Ստոպ» գործիքը հնարավորություն է տալիս արգելափակել բոլոր կամ առանձին բանկային ծառայությունների հասանելիությունն օգտատիրոջ կողմից:

«Ստոպ» գործիքով ծառայությունների հասանելիությունն արգելափակելու համար անհրաժեշտ է՝

• մուտք գործել AEB Mobile,
• գլխավոր էջում ընտրել «Ստոպ» գործիքը,
• ընտրել բոլոր ծառայությունների արգելափակում կամ առանձին ծառայության արգելափակում,
• հաստատել արգելափակումը:

«Ստոպ» գործիքը կիրառելի է հետևյալ ծառայությունների նկատմամբ՝

• դրամական փոխանցումներ և վճարումներ,
• քարտային գործարքներ,
• վարկային գործառնություններ,
• ավանդներ,
• այլ:

«Հաստատել» հրահանգից հետո ծառայությունը արգելափակվում անմիջապես՝ առավելագույնը 60 վայրկյանի ընթացքում: «Ստոպ» գործիքի գործարկումից հետո Դուք կստանաք հաստատման ծանուցում էլեկտրոնային փոստին:

Ծառայությունների ապաարգելափակման համար հարկավոր է դիմել Բանկի Գլխամասային գրասենյակ կամ ցանկացած մասնաճյուղ: Ապաարգելափակումն իրականացվում է առավելագույնը 24 ժամվա ընթացքում:

«Ստոպ» գործիքի ներդրումը սահմանված է 24.02.2026թ. ՀՀ ԿԲ հաստատած «Սպառողի կողմից ֆինանսական ծառայությունների ինքնասահմանափակման գործիքների ներդրման նվազագույն պահանջները» 8/09 կանոնակարգով, որը ուժի մեջ է մտել 2026 թվականի հուլիսի 1-ից: Կանոնակարգը սահմանում է ֆինանսական կազմակերպության կողմից հեռավար եղանակով մատուցվող ծառայությունների նկատմամբ «ստոպ» գործիքների ներդրման, գործարկման և դադարեցման նվազագույն պահանջները:

86 86 | aeb.am