Բաժանորդագրվեք Zarkerak.am-ի տելեգրամ ալիքին։
Սեպտեմբերի 4-6-ը Երևանում կբացվի ARMENIA EXPO ցուցահանդեսը։ Այդ մասին տեղեկացնում են LOGOS EXPO կենտրոնից։ ARMENIA EXPO-2026-ը նվիրված է Հայաստանի արդյունաբերողների և գործարարների միության 30-ամյակին։
Միջազգային գլխավոր ցուցահանդեսը վաղուց տարածաշրջանի բիզնես կյանքում ամենամեծ, հեղինակավոր, ամենասպասված և նշանակալի իրադարձությունն է։
Ամեն տարի ցուցահանդեսը միավորում է Հայաստանի, Իրանի, Վրաստանի, Չինաստանի, ԱՊՀ երկրների, Մերձավոր Արևելքի և Եվրոպայի խոշորագույն արտադրողներին մեկ հարթակում՝ հնարավորություն տալով նրանց համարժեք և արդյունավետ ներկայացնել իրենց արտադրանքը։
ARMENIA EXPO-ն հնարավորություն է տալիս ամբողջական տեղեկատվություն ստանալ գործող ընկերությունների, կազմակերպությունների, ապրանքանիշերի մասին, գտնել շահութաբեր բիզնես գործընկեր կամ օտարերկրյա ներդրող և նպաստել հաջող մարքեթինգին: Ցուցահանդեսը կբացվի Կարեն Դեմիրճյանի անվան մարզահամերգային համալիրում։
