Բաժանորդագրվեք Zarkerak.am-ի տելեգրամ ալիքին։
Մոսկվան դատապարտում է Ռիադի օդանավակայանի վրա հարձակումը և կոչ է անում Արաբական թերակղզում հակամարտությունների բոլոր կողմերին զերծ մնալ քաղաքացիական ենթակառուցվածքների վրա հարձակումներից: Այս մասին ասվում է Ռուսաստանի արտաքին գործերի նախարարության հայտարարության մեջ։
«Ռուսաստանը դատապարտում է այս հարձակումը և կոչ է անում Արաբական թերակղզում հակամարտությունների կողմերին լիովին զերծ մնալ քաղաքացիական ենթակառուցվածքների վրա հարձակումներից: Ռուսաստանի դիրքորոշումը մնում է անփոփոխ, որ տարածաշրջանում ցանկացած ճգնաժամի միայն քաղաքական և դիվանագիտական միջոցներով լուծումն այլընտրանք չունի՝ միաժամանակ ապահովելով տարածաշրջանի բոլոր պետությունների շահերը առանց բացառության»,- ասվում է հայտարարության մեջ:
Սաուդյան Արաբիայում Ռուսաստանի դիվանագիտական առաքելության նախնական տվյալների համաձայն՝ Էր-Ռիադի միջազգային օդանավակայանում տեղի ունեցած զանգվածային հարձակման ժամանակ ռուսներ չեն տուժել։
