ՀՀ վարչապետի տիկին Աննա Հակոբյանը Կառավարությունում հյուրընկալել է ֆրանսաբնակ գործարար և հասարակական գործիչ Հովել Շնորհոքյանին։
Այս մասին «Ֆեյսբուք» իր էջում տեղեկացրել է Աննա Հակոբյանը:
«Խոսեցինք Սփյուռք-Հայաստան փոխհարաբերությունների մասին։ Պարոն Շնորհոքյանը կիսվեց Սփյուռքի համայնքները միավորելու և Հայաստանի հետ կամուրջ ստեղծելու իր մտադրությամբ։
Ես նշեցի՝ կուզենայի, որ ՀՀ-Սփյուռք փոխհարաբերությունները միտված լինեն Հայաստանի Հանրապետության ուժեղացմանը։ Իմ ուղերձը մեր Սփյուռքին`վերադարձե՛ք` ուժեղացնելու մեր հայրենիք-պետությունը»,- գրել է Հակոբյանը և տեսանյութ հրապարակել։