Բաժանորդագրվեք Zarkerak.am-ի տելեգրամ ալիքին։
Կենտրոնական ընտրական հանձնաժողովի նախագահ Վահագն Հովակիմյանը ներկայացրել է Ազգային ժողովի հերթական ընտրությունների քվեարկության ընթացքի վերաբերյալ ամփոփ տվյալներ առավոտյան ժամը 08:00-ի դրությամբ:
«Հայաստանի բոլոր 2005 ընտրատեղամասերը բացվել են առավոտյան՝ ժամը 07:00-ին, իսկ 08:00-ից սկսել են ընդունել ընտրողներին»,- ասել է Հովակիմյանը։
ԿԸՀ նախագահի խոսքով՝ 2005 տեղամասերից 48-ում արձանագրվել են բացակայություններ (ընդհանուր 50 բացակա), նրանցից 2-ը հանձնաժողովի նախագահներ են, 1-ը՝ քարտուղար:
«Ես օրինակ գիտեմ, որ երկու նախագահների և քարտուղարի բացակայությունը պայմանավորված է քրեաիրավական գործընթացով, այսինքն՝ մեզ դա արդեն զեկուցել են, որ ուղղակի տվյալ նախագահները և քարտուղարը գիշերը ձերբակալվել են։ Մեկ այլ դեպքում պատճառը ծնողի մահն է եղել»,- մանրամասնել է Հովակիմյանը։
