Բաժանորդագրվեք Zarkerak.am-ի տելեգրամ ալիքին։
ՀՀ վարչապետ Նիկոլ Փաշինյանը ճեպազրույցի ընթացքում, պատասխանելով այն հարցին, թե ինչ ազդեցություն կարող է ունենալ այս ընտրությունը տարածաշրջանի վրա, նշել է, որ ժողովրդավարությունը մշտապես նպաստում է տարածաշրջանային և միջազգային համագործակցությանը։
«Կարծում եմ՝ ժողովրդավարությունը մշտապես աշխատում է հօգուտ տարածաշրջանային և միջազգային համագործակցության։ Ժողովրդավարությունը տարածաշրջանային խաղաղ ապագայի գործիք է»,- ասել է վարչապետը։
Նրա խոսքով՝ Հայաստանի և Ադրբեջանի միջև արդեն խաղաղություն է հաստատվել, իսկ Վրաստանի հետ առկա են խոր և եղբայրական հարաբերություններ։
Վարչապետը նաև հույս է հայտնել, որ առաջիկայում հնարավոր կլինի կարգավորել հարաբերությունները Թուրքիայի հետ և հաստատել դիվանագիտական հարաբերություններ։
«Վստահ եմ՝ առաջիկայում սահմանները, ճանապարհները և երկաթուղիները կբացվեն»,- նշել է նա։
Անդրադառնալով «Խաղաղության խաչմերուկ» (TRIPP) նախաձեռնությանը՝ Փաշինյանն ընդգծել է, որ այն շրջադարձային նշանակություն ունի ամբողջ տարածաշրջանի համար։ Նրա գնահատմամբ՝ նախագծի իրականացումից կշահեն տարածաշրջանի բոլոր երկրները, քանի որ Արևելք-Արևմուտք երթուղուն զուգահեռ կգործի նաև Հյուսիս-Հարավ ուղղությունը։
«Դրանից կշահեն Հայաստանը, Ադրբեջանը, Վրաստանը, Թուրքիան և Իրանը։ Սա շատ կարևոր է»,- ընդգծել է վարչապետը։
