Բաժանորդագրվեք Zarkerak.am-ի տելեգրամ ալիքին։
Շարունակվում է Ֆուտբոլի աշխարհի առաջնությունը: Այս տարի մրցաշարը հյուրընկալել են Մեքսիկան, Միացյալ Նահանգները և Կանադան, մասնակցում է 48 թիմ։
Աշխարհի առաջնությունը դիտելու, ֆավորիտ թիմերի և հնարավոր չեմպիոնի մասին Zarkerak.am-ը զրուցել է ՏԿԵ նախարար Դավիթ Խուդաթյանի հետ.
-Պարոն նախարար, ըստ ձեզ՝ Ֆուտբոլի աշխարհի առաջնությունում ո՞ր թիմերը կհայտնվեն եզրափակչում և ո՞վ կհաղթի:
-Հույս ունեմ կհաղթի Ֆրանսիան կամ Պորտուգալիան:
-Ո՞վ է բոլոր ժամանակների ձեր ամենասիրելի ֆուտբոլիստը:
-Բոլոր ժամանակների ամենասիրելի ֆուտբոլիստը Զինեդին Զիդանն է:
-Որքանո՞վ եք ձեզ համարում ֆուտբոլասեր ու ի՞նչ միջավայրում (տանը, սրճարանում, ընկերներով, գարեջրով) եք սովորաբար ֆուտբոլ դիտում:
-Ինձ համարում եմ Հայաստանի ազգային հավաքականի հավատարիմ երկրպագու, հավաքականի տնային ոչ մի խաղի մարզադաշտից չեմ բացակայում, երբեմն նաև արտագնա խաղերին եմ գնում: Առհասարակ սիրում եմ ֆուտբոլ, ցավոք, ժամային գրաֆիկի պատճառով 2026 թվականի ԱԱ խաղերի մեծ մասը բաց եմ թողել:
Նշենք, որ աշխարհի գործող չեմպիոնն Արգենտինան է։ Նրանք տիտղոսը նվաճել են 2022 թվականի Կատարում կայացած աշխարհի առաջնությունում՝ հաղթելով Ֆրանսիային:
