Բաժանորդագրվեք Zarkerak.am-ի տելեգրամ ալիքին։
Զորակոչի բեռի մեծ մասը ընկած է մարզերի վրա: Այս մասին ՀՀ ԱԺ պաշտպանության եւ անվտանգության հարցերի մշտական հանձնաժողովի արտահերթ նիստի ժամանակ հայտարարել է պատգամավոր Հայկ Սարգսյանը՝ անդրադառնալով զորակոչից խուսափելու վերաբերյալ քրեական օրենսգրքում լրացումներ կատարելու նախագծին:
«Մեր առաջնային նպատակը նորմալ զորակոչ ունենալն է, որպեսզի մեր կարիքները բավարարվեն ու նաև վերականգնվի արդարությունը, որովհետև տեսնում ենք, որ մարզերում 50% զորակոչ ունենք իսկ Երևանում նույն ընթացքում 10-16% զորակոչ ունենք: Պարզ է որ ունենք սոցիալական խնդիր, այսինքն բեռի մեծ մասը ընկնում է մարզերի վրա»,- ասել Սարգսյանը:
Հիշեցնենք, որ պատգամավոր Վահագն Ալեքսանյանի առաջարկած օրենքի նախագծի նպատակը պատասխանատվության սահմանումն է այն քաղաքացիների նկատմամբ, ովքեր խուսափել են քրեական վարույթի ընթացքում նշանակված առողջական վիճակի հետազոտությունից կամ փորձաքննություն անցնելուց, ինչպես նաև հետազոտման նպատակով նմուշ տալուց:
