Բաժանորդագրվեք Zarkerak.am-ի տելեգրամ ալիքին։
Ազգային ժողովի «Հայաստան» խմբակցությունը չի մասնակցի ԱԺ Պետական-իրավական հարցերի մշտական հանձնաժողովի նախագահի պաշտոնում Արուսյակ Ջուլհակյանի թեկնածության քվեարկությանը։
Այս մասին Ազգային ժողովում ունեցած ելույթում հայտարարեց խմբակցության ղեկավար Աննա Գրիգորյանը։
««Հայաստան» խմբակցությունը չի մասնակցելու Արուսյակ Ջուլհակյանի թեկնածության քվեարկությանը, ինչպես չենք մասնակցում իշխանության կողմից առաջադրված այլ թեկնածուների քվեարկությանը»,- ասաց Գրիգորյանը։
Օգոստոսի 11-ին «Քաղաքացիական պայմանագիր» խմբակցությունը Պետական-իրավական հարցերի մշտական հանձնաժողովի նախագահի պաշտոնում առաջադրել էր Արուսյակ Ջուլհակյանի թեկնածությունը։
