Բաժանորդագրվեք Zarkerak.am-ի տելեգրամ ալիքին։
Կարեն Կարապետյանի վարչապետության տարիներին քաղաքական իշխանության մոտեցումը եղել է այն, որ մարդիկ ինչքան աղքատ լինեն էտքան քիչ փող է պետք լինելու ընտրակաշառքը կազմակերպելու համար: Այս մասին ԱԺ-ում հայտարարել է խորհրդարանի նախագահի տեղակալ Վահագն Ալեքսանյանը՝ անդրադառնալով ՀՀԿ իշխանության տարիներին կիրառված նախընտրական կաշառքների թեմային:
«Ձեր մոտեցումը եղել է այն, որ ինչքան աղքատ լինի ժողովուրդը այնքան ավելի լավ, թոշակը ինչքան ցածր այդքան թոշակառուի ձայնը՝ ավելի էժան»,-ասաց Ալեքսանյանը՝ հավելելով, որ իշխող ուժի կառավարման տարիներին կենսմակարդակի բարձրացման շնորհիվ է, որ նախկին 10 հազար դրամ կաշառքների փոխարեն «Ուժեղ Հայաստանը» հարկադրված էր այն հասցնելու մինչև 100 հազար դրամի:
«Փաստացի «Հանրապետական» կուսակցության շարունակությունը այստեղ՝ «Ուժեղ Հայաստանը» եկել ասում է «դուք պատերազմի կուսակցությունն եք», մեզ մեղադրում էին, որ մեր թեկնածում Ռոբերտ Քոչարյանն է: Մինչև ընտրությունները «Ուժեղ Հայաստանը» փորձում էր դիստանցավորվել Ռոբերտ Քոչարյանից ու նրա «Հայաստան» դաշինքից: Բայց հենց քվեարկության գիշերը, իրենց մամուլները սկսեցին հայտարարել, թե «միասնական ընդդիմությունը այսքան ձայն է հավաքել»: Բա որ միասնական եք, ինչի մինչև ընտրությունները չէիք այդ մասին հայտարարում: Սա է, մի խմբակցությունը դուրս եկավ, մյուսը դուրս եկավ հետևից: Սա միասնական ընդդիմություն է»,-ասել է ԱԺ նախագահի տեղակալը:
Ալեքսանյանը նաև հարցադրում կատարեց, թե ինչու «Ուժեղ Հայաստան» դաշինքի վարչապետի թեկնածու Սամվել Կարապետյանը չի հրաժարվել Կիպրոսի ու Ռուսաստանի քաղաքացիությունից:
«Կարողա հիմա էլ արդեն Կիպրոսի վարչապետի թեկնածու է, Կիպրոսի գործընկերների պետք է հարցնենք, կամ Ռուսաստանի Դումայում հիմա ընտրություններ են, գուցե Ռուսաստանի Դումայում է ուզում առաջադրվի որպես պատգամավոր»,-ասել է Ալեքսանյանը:
