Բաժանորդագրվեք Zarkerak.am-ի տելեգրամ ալիքին։
«Ադապտացիան հենց այն ամենակարևոր հատկանիշն է, որն էական նշանակություն ունի և պետք է ունենա մեր պետության, տնտեսության և քաղաքականությունների համար»,-Կառավարության նիստում ասաց վարչապետ Նիկոլ Փաշինյանը:
Փաշինյանի խոսքով՝ ութ տարի է խոսում են տնտեսության դիվերսիֆիկացիայի մասին, բայց որևէ ծրագիր չի աշխատում մի պարզ պատճառով՝ մարդիկ չեն համարում, որ դրա անհրաժեշտությունը կա. «Անկախությունը քչերից կախվածությունը փոխարինելն է շատերից կախվածությամբ: Եթե մենք ունենք մի ոլորտ, որտեղ մեր գործակցությունը որևէ սուբյեկտի հետ ունի մենաշնորհային իրավիճակ, դա սպառնալիք է: Ես այս իրադրությունը համարում եմ հնարավորություն, որպեսզի մենք բևեռային ձևակերպումների մեր սոցիալ-հոգեբանությունը տեղավորենք ոչ բևեռային գործելակերպերի մեջ: Ամեն օր կարելի է տեսնել, որ ինչ-որ մեկը պնդում է, որ երկիրը կործանվում է, սա ընկալման հարց է: Կարելի է բերել տասնյակ պատճառներ, թե ինչու է երկիր մոլորակը կործանվում և կարելի է հակառակ պատճառներն էլ բերել: Մենք բոլորս ապրում ենք կործանման վիճակում, բավականին մեծ արագությամբ գլորվում ենք դեպի անդունդը, պետք է հարմարվել այս իրադրության հետ և անել ամենօրյա աշխատանքն ադապտացիայի տրամաբանությամբ: Անկման վիճակում մենք պետք է ապրենք, աշխատենք: Մեր հարգելի գործընկերներին ասենք, որ պետք չի մեզ ահազանգել, որ մենք կործանվում ենք, մենք դրա մասին գիտենք, երբ այդ կործանումը կանգնի՝ նշանակում է ամեն ինչ վերջացել է»:
