Բաժանորդագրվեք Zarkerak.am-ի տելեգրամ ալիքին։
Օօգոստոսի 13-ին արտակարգ դեպք է տեղի ունեցել Երևանում։
Ժամը 18:50-ի սահմաններում ՀՀ Ներքին գործերի նախարարության 112 օպերատիվ կառավարման կենտրոն ահազանգ է ստացվել, որ հրդեհ է բռնկվել Բյուզանդի փողոցի շենքերից մեկում։
Ինչպես հայտնում է Shamshyan.com-ը, ժամանել են Երևանի հրշեջ-փրկարարական ջոկատները:
Տեղում պարզվել է, որ հրդեհը բռնկվել է Բյուզանդի 1/3 հասցեում՝ Երևանի քաղաքապետարանի 2-րդ մասնաշենքում։
Ըստ նախնական տեղեկությունների,տուժածներ չկան։ Հրդեհը բռնկվել է նկուղային հարկում, ինչից առաջացել է ծուխ, որը տեսանելի է մի քանի հարյուր մետրից։ Տարհանվել են մեծ թվով աշխատակիցներ։
Ժամանել է նաև Երևանի 103 շտապօգնության բժիշկների հերթապահ խումբը, ովքեր մի քանի քաղաքացու օգնություն են ցուցաբերել, քանի որ նրանք ծխահարվել էին։ Նրանց առողջությանն ու կյանքին վտանգ չի սպառնում։
