Բաժանորդագրվեք Zarkerak.am-ի տելեգրամ ալիքին։
Գնացել են ռուսական տարբեր պետական ատյաններ, խնդրել են, որ պետությանը վնաս տալու և երկրում խնդիրներ ստեղծելու համար պատժամիջոցներ կիրառեն մեր արտահանողների նկատմամբ։ Այս մասին ԱԺ-ում ելույթ ունենալիս հայտարարեց «Քաղաքացիական պայմանագիր» խմբակցության պատգամավոր Արայիկ Հարությունյանը։
Ըստ պատգամավորի՝ այսպիսի նախաձեռնություն կատարել է, իր բնութագրմամբ, «ամենաձախողված քաղաքական գործիչներից մեկը»՝ «Հայաքվե» շարժման առաջնորդ Ավետիք Չալաբյանը։
«Ըստ իրավապահների և ըստ մամուլում տարածված նյութերի՝ էս մարդը փետրվարին գնում է Ռուսաստան ու Ռուսաստանի դիվանագետներին ասում. «Սիրելի դիվանագետներ, դուք մեզ օգնած կլինեք քաղաքական դաշտում, երբ սանկցիաներ կիրառեք դեպի Ռուսաստան արտահանվող ապրանքների համար»։ Ու այսքանից հետո իրենք «Հայաքվեի» և Չալաբյանի հետ ապրիլ ամսին դաշնակցային հուշագիր են ստորագրում»,– ասաց Հարությունյանը՝ մատնացույց անելով «Ուժեղ Հայաստան» դաշինքի ուղղությամբ։
«Ու հիմա եկել ասում են՝ Կառավարությունը մեր արտահանողների համար պրոբլեմներ է ստեղծում»,– ասաց պատգամավորը։
