Բաժանորդագրվեք Zarkerak.am-ի տելեգրամ ալիքին։
Օրերս հայտնի դարձավ Արգենտինայի ազգային հավաքականից Լիոնել Մեսսիի հեռանալու մասին։ 39-ամյա հարձակվողն իր որոշման մասին պաշտոնապես հայտարարեց օգոստոսի 31-ին, փոխանցում է armsport.am-ը:
Ինչպես հաղորդում է The Touchline-ը, «Ալբիսելեստեի» նոր ավագի պարտականությունները կստանձնի Մադրիդի «Ատլետիկոյի» պաշտպան Քրիստիան Ռոմերոն։
Մեսսին ազգային թիմի գույները պաշտպանում էր 2005 թվականից։ Այդ ընթացքում լեգենդար հարձակվողը միջազգային ասպարեզում մասնակցել է 207 հանդիպման՝ դառնալով 125 գոլի հեղինակ։ Նա Արգենտինայի հավաքականի հետ դարձել է ԱԱ-2022-ի չեմպիոն, երկու անգամ նվաճել Ամերիկայի գավաթը (2021, 2024), ինչպես նաև հաղթել Ֆինալիսիմայում (2022)։
Վերջերս ավարտված ԱԱ-2026-ում Լիոնելն արգենտինացիների հետ հասավ մինչև եզրափակիչ, որտեղ թիմը նվազագույն՝ 0-1 հաշվով պարտություն կրեց Իսպանիայի ընտրանուց, ինչից հետո էլ կայացրեց հավաքականից հեռանալու որոշումը։
Ինչ վերաբերում է Ռոմերոյին, ապա նա ազգային թիմի կազմում իր նորամուտը նշել է 2021 թվականին։ Ներկայումս 28-ամյա ֆուտբոլիստի ակտիվում կա 58 հանդիպում և խփած 4 գնդակ։ Նշենք նաև, որ օգոստոսի կեսերին արգենտինացի պաշտպանը Լոնդոնի «Տոտենհեմից» տեղափոխվել է Մադրիդի «Ատլետիկո»։
