Բաժանորդագրվեք Zarkerak.am-ի տելեգրամ ալիքին։
Ապօրինի խաղատների գործունեությունը պատշաճ կարգավորել և սահմանափակել ՀՀ տարածքում գործնականում բավականին բարդ է, եթե ոչ գրեթե անհնար: Այս մասին ՀՀ Աժ տնտեսական հարցերի մշտական հանձնաժողովի հերթական նիստում ասաց ՀՀ ՊԵԿ նախագահի տեղակալ Ռաֆայել Գևորգյանը:
ՊԵԿ նախագահի տեղակալ Ռաֆայել Գևորգյանի առաջարկած նախագիծը՝ օնլայն տիրույթում ապօրինի խաղային գործունեության մասին օրենքում փոփոխություններ իրականացնելուն վերաբերյալ է:
Նա առաջարկած կարգավորումնները կբաժանեց 3 հիմնական խմբի, որոնցից առաջինը ինտերնետի սահմանափակումն է, այսինքն՝ օնլայն տիրույթում կայքերի սահմանափակումներ, որի միջոցով հեռահաղորդակցության օպերատորները կկարողանան արգելափակել ապօրինի կայքերը:
«Երկրորդ փոփոխությամբ առաջարկվում է Ֆինանսական կազմակերպությունը պարտավորություն ունենա օրենքով արգելափակել այն գործարքները, որոնք կլինեն սև ցանկում»-,ասաց Գևորգյանը և պարզաբանեց, որ եթե խաղատները իրենց վճարային տերմինալները օնլայն տիրույթում գրանցեին իրապես որպես խաղատուն, շատ հեշտ կլիներ հարցը լուծել, բայց շատ դեպքերում օգտագործվում են ֆիզիկական անձանց հաշիվներ:
«Երրորդ գործոնը գովազդին է վերաբերվում: Թեև կայքերը կարգելափակվեն, վճարումները կարգելափակվեն, սակայն ամենալուրջ խնդիրը գովազդն է: Եթե մարդն ուղղակի օնլայն տիրույթում չկարողանա տեսնել և ճանաչելի չլինի այդ կայքը իր համար, դրանց թիվը կնվազի», -հավելեց ՊԵԿ նախագահի տեղակալ Ռաֆայել Գևորգյանը:
