Բաժանորդագրվեք Zarkerak.am-ի տելեգրամ ալիքին։
Կիրակի օրը Ավստրիայի մայրաքաղաքում ջերմաստիճանը հասել է 39.7 աստիճան Ցելսիուսի, սահմանելով նոր ռեկորդային ցուցանիշ։ Այս մասին հայտնել է OE24 պորտալը։
«Ամենատաք օրը. մայրաքաղաքում այսօր գրանցվել է ռեկորդային ցուցանիշ։ Վիեննայում երբեք այսքան տաք չի եղել», – նշում է հրատարակությունը։ Ռեկորդը գրանցվել է Վիեննայի 21-րդ շրջանում՝ Ֆլորիդսդորֆում, տեղական ժամանակով մոտավորապես ժամը 15:00-ին։ Սակայն լրագրողները ընդգծում են, որ հաջորդ ժամերին քաղաքը կարող է ավելի տաքանալ։
Ավստրիայի մայրաքաղաքում նախորդ ռեկորդը գրանցվել է 2013 թվականին, երբ ջերմաչափը ցույց է տվել 39.5 աստիճան Ցելսիուս։
Հունիսի 24-ին Ալպյան հանրապետության օդերևութաբանական ծառայությունը հայտարարել է ամենաբարձր եղանակային նախազգուշացման մասին՝ ծայրահեղ շոգի պատճառով։ Առողջապահության նախարարությունը վերաբացել է թեժ գիծը՝ տեղեկացնելով բնակիչներին անբնական բարձր ջերմաստիճանների ազդեցությունը մարդու առողջության վրա նվազագույնի հասցնելու եղանակների մասին։
