Բաժանորդագրվեք Zarkerak.am-ի տելեգրամ ալիքին։
ԱՄՆ-ի Լաս Վեգաս քաղաքում ընթացող ազատ ոճի ըմբշամարտի մինչև 23 տարեկանների աշխարհի առաջնությունում Հայաստանի հավաքականը նվաճել է առաջին մեդալը:
Մրցաշարի բրոնզե մեդալակիր է դարձել Սարգիս Բեգոյանը:
Երրորդ տեղի համար գոտեմարտում հայ ըմբիշը 14-9 հաշվով վստահ առավելության է հասել Ուզբեկստանի ներկայացուցչի նկատմամբ և կանգնեց պատվո հարթակի երրորդ աստիճանին: Հատկանշական է, որ սա ազատ ոճայինների առաջին մեդալն է ընթացիկ մրցաշարում:
Մրցումային այս օրը տպավորիչ ելույթներ է ունեցել նաև 57 կգ քաշային Արման Հարությունյանը:
Նա 1/8 եզրափակչում 10-8 հաշվով հաղթել է իրանցի մրցակցին, իսկ քառորդ եզրափակչում ծանրագույն պայքարում 5-4 հաշվով առավելության հասել Ռուսաստանը ներկայացնող ըմբիշի նկատմամբ՝ նվաճելով կիսաեզրափակչի ուղեգիր: Ցավոք, եզրափակիչ դուրս գալու համար գոտեմարտում Հարությունյանը պարտվել է և կգոտեմարտի բրոնզե մեդալի համար:
