Չինաստանի նախագահ Սի Ծինփինը պետական այցով ժամանել է Ղազախստան։ Նրան Աստանայի օդանավակայանում դիմավորել է նախագահ Կասիմ-Ժոմարտ Տոկաևը։
Ղազախստանի նախագահի գրասենյակից հայտնել են, որ ՉԺՀ ղեկավարի այցի ծրագիրը նախատեսում է բարձր մակարդակով երկկողմ բանակցությունների անցկացում և մի շարք կարևոր փաստաթղթերի ստորագրում։ Սին Աստանայում մասնակցելու է նաև Շանհայի համագործակցության կազմակերպության անդամ երկրների ղեկավարների խորհրդի 24-րդ հանդիպմանը:
