Բաժանորդագրվեք Zarkerak.am-ի տելեգրամ ալիքին։
Ճապոնիայում մերկասառույցի պատճառով տեղի ունեցած խոշոր վթարի հետևանքով բախվել է 67 մեքենա։ Jiji Press-ի փոխանցմամբ՝ երկու մարդ զոհվել է, ևս 26-ը՝ տուժել։
Վթարը տեղի է ունեցել դեկտեմբերի 26-ին՝ տեղական ժամանակով ժամը 19:30-ին, երկրի կենտրոնական մասում գտնվող Գումմա պրեֆեկտուրայի Մինակամի քաղաքում։ Վարորդները կորցրել են իրենց մեքենաների կառավարումը մերկասառույցի պատճառով։ Վթարի հետևանքով հրդեհ է բռնկվել. այրվել է մոտ 20 մեքենա։
Միջադեպի պատճառով անորոշ ժամանակով փակվել է Ճապոնիայի կենտրոնական մասում գտնվող արագընթաց մայրուղու մի քանի հատված:
