Բաժանորդագրվեք Zarkerak.am-ի տելեգրամ ալիքին։
«Բենզինի ներկրման հետ կապված Հայաստանում ասում են, որ գումարներն ուղարկում ենք Ադրբեջան, որպեսզի նրանք այդ գումարներով Հայաստանի վրա հարձակվեն, նույն խոսույթն Ադրբեջանում կա, մեկնաբանություններ կան, որ Ադրբեջանը դիզվառելիքն ու բենզինն ուղարկում է Հայաստան, որ այստեղ տանկերը և մնացած զինտեխնիկան լիցքավորեն և հարձակվեն Ադրբեջանի վրա: Պետք է արձանագրենք, որ թե՛ Հայաստանի, թե՛ Ադրբեջանի դեպքում դա արդեն խոսույթ է, որն այսօրվա իրողությունների հետ չի համադրվում»,- Կառավարության նիստում հայտարարեց վարչապետ Նիկոլ Փաշինյանը:
Անդրադառնալով մարդկանց արձագանքին՝ վարչապետը նշեց. «Մյուս կողմից մարդկանց մեղադրելու էլ չի, որովհետև այն անիվը, որը պտտվել է 35 և ավել տարիներ մի արգելակով հնարավոր չի կանգնեցնել: Պետք է կենտրոնանանք աշխատանքի վրա և խաղաղության գործնական օգուտներն ավելի շատ բան կարող են անել, քան բանավեճերը տարբեր թեզերի և տարբեր մարտահրավերների վերաբերյալ»:
