Բաժանորդագրվեք Zarkerak.am-ի տելեգրամ ալիքին։
«Երեկվանից բարձրացվում է այդ հարցը՝ ինչու է թանկացել հեղուկ գազի գինը: Սա սովորական պրոցես է, ամեն տարվա դեկտեմբերին դա տեղի է ունենում, որևէ արտառոց բան չկա: Կապել էին որոշակի հանգամանքների հետ, բենզինի գնի էժանացման հետ, որ գազի թանկացումներով դրա վաճառքն ապահովվի»,- կառավարության նիստում այս մասին ասաց Մրցակցության hանձնաժողովի նախագահ Գեղամ Գևորգյանըը:
«Չհասկացա, էդ ի՞նչ տրամաբանություն է»,- արձագանքեց վարչապետ Նիկոլ Փաշինյանը:
«Մեծ աղմուկ է բարձրացվում, դրա տարածումը շատ եղավ, մենք հստակ պարզաբանում ենք տվել. ամեն տարի, երբ Լարսը ճանապարհային հանգույցի խնդիր է ունենում, տրանսպորտային հանգույցները թանկանում են: Սովորական պրոցես է, ապրիլ-մայիս ամիսներին էժան է , դեկտեմբերին թանկ է, այստեղ որևէ լուրջ պրոբլեմ և դեֆիցիտ գոյություն չունի»,- ասաց Գևոևգյանը:
Փաշինյանը հավելեց.«Այն ինչ-որ նկարագրեցիք, արդեն լուրջ պրոբլեմ է, խնդիր է, որ այդ թվում պետք է լուծվի տարածաշրջանաին հարցի լուծման համատեքստում այդ հարցը պետք է լուծվի, որպեսզի ՀՀ-ում մատակարարումների տարբեր ուղիներ և աղբյուրներ ունենանք, պետք չէ այստեղ շատ բան փնտրել: Համոզված եղեք այս տարի դեկտեմբերին այս հարցը չի լինի, վստահ եղեք»,- ասաց վարչապետն ու փոխվարչապետ Մհեր Գիրգորյանից հետաքրքվեց այս ապրանքախումբը երկաթուղով կարո՞ղ է ներմուծվել ՀՀ:
Վերջինս նշեց.«Վստահաբար, այո՛, բայց այստեղ ոչ միայն տրազնիտի խնդիր է, այլ նաև առևտրի, կարծում եմ մոտ ժամանակներում շուկան ավելի հստակ հայտարարություն կանի, թե ինչ ձևաչափով է այդ ապրանքի մատակարարումը ալտերնատիվ ուղով գալիս և ինչ երկրից, շատ հավանական է լինելու, որ շարժը տեղի ունենա երկաթգծի միջոցով գնորդից մինչև վաճառող»:
