Բաժանորդագրվեք Zarkerak.am-ի տելեգրամ ալիքին։
Իրանի արտաքին գործերի նախարար Աբբաս Արաղչին դատապարտել է Լիբանանի հարավում իսրայելական անօդաչու սարքի հարվածի հետևանքով լիբանանցի հեռուստատեսային թղթակիցների սպանությունը և ցավակցություն է հայտնել զոհերի ընտանիքներին և գործընկերներին։
«Խստորեն դատապարտելով այս հանցագործությունը և ընդգծելով միջազգային հանրության կողմից լրագրողներին աջակցելու և նման հարձակումների մեղավորների պատասխանատվությունն ապահովելու համար արդյունավետ գործողությունների անհրաժեշտությունը՝ ես իմ անկեղծ ցավակցությունն եմ հայտնում զոհերի ընտանիքներին և նրանց գործընկերներին», – ասվում է նախարարի պաշտոնական Telegram-յան ալիքում հրապարակված հայտարարության մեջ։
«Ալ-Մայադին» հեռուստաընկերության թղթակից Ֆաթիմա Ֆտունին և «Ալ-Մանար» հեռուստաընկերության թղթակից Ալի Շաիբը զոհվել էին իսրայելական անօդաչու թռչող սարքի հարվածի հետևանքով: Լիբանանի նախագահը դատապարտել է սպանությունները՝ Իսրայելի գործողությունները անվանելով թիրախային և կոչ անելով միջազգային հանրությանը դադարեցնել Իսրայելի հարձակումները Լիբանանի վրա:
