Բաժանորդագրվեք Zarkerak.am-ի տելեգրամ ալիքին։
«Եթե վարչապետն առաջարկի մոտակա մի տարին որևիցէ բանով չզբաղվել, ես դա կընդունեմ ի գիտություն»: Այս մասին լրագրողների հետ ճեպազրույցի ընթացքում հայտարարել է ՀՀ ԱԺ նախագահ Ալեն Սիմոնյանը՝ անդրադառնալով առաջիկայում նոր պաշտոններ զբաղեցնելու հավանականության մասին հարցին:
«Պաշտոնի հետ կապված որևիցէ բան չեմ քննարկել, պաշտոնի հետ կապված որիցէ տեղ տեղափոխվելու հետ կապված հարց չեմ քննարկել: Եթե իմ երկրի վարչապետը, մեր կուսակցության ղեկավար մարմինը կառաջարկի էտ ժամանաիկ կքննարկենք, ծանրութեթև կանենք, կորոշենք»,-նշել է Սիմոնյանը:
ՀՀ ԱԺ նախագահը ընդգծեց, որ իր խնդրանքով է որոշել հանգստանալ, քանի որ 8 տարի շարունակ եղել է քաղաքան առաջնագծում.
«Որևիցե նեղվածություն և չասված բան մեր մեջ գոյություն չունի և չի կարող լինել: Եթե վարչապետը ասի, որ գիտես ինչ մոտակա մի տարին որևիցէ բանով մի զբաղվի, ես դա կընդունեմ ի գիտություն և ամենայն հավանականությամբ էդպես էլ կանեմ, որովհետև ես ինձ որևէ բանով, ոչ իրենից, ոչ ՔՊ-ից, ոչ էլ վարչությունից չեմ տարանջատում: Դա է տրամաբանությունը, խաղի կանոնները և սկզբունքները»,-ընգծել է Սիմոնյանը՝ հավելելով, որ անընդունելի է համարում այդ ամենից շեղվելը:
«Դրանցից դուրս գալը նշանակում է դառնալ ... Մենք մեր քաղաքական պատմության մեջ շատ ունեինք նման դեպքեր, երբ որոշ պաշտոնյաներ Նիկոլ Փաշինյանի շողքը տեսնում էին, մտածում են այդ շողքի պես մեծ են»,-նշեց ԱԺ նախագահը և նկատեց, որ մարդիկ կան քթները բարձրացան։
