Բաժանորդագրվեք Zarkerak.am-ի տելեգրամ ալիքին։
«Քաղաքացիական պայմանագիր»-ը որոշում ունի, բավարար ձայներով կողմ քվերակել Արամ Վարդևանյանի թեկնածությանը՝ որպես ԱԺ նախագահի տեղակալ: Այս մասին ՀՀ ԱԺ-ում ելույթի ժամանակ հայտարարել է «Քաղաքացիական պայմանագիր» խմբակցության ղեկավար Արուսյակ Մանավազյանը:
Հակադարձելով ընդդիմության վերջին հայտարարություններն, թե ՔՊ խմբակցության պարտավորությունն է քվերակել Վարդևանյանի թեկնածության օգտին՝ Մանավազյանն ընդգծեց. «Մենք պարտավոր չենք ընդդիմության բոլոր թեկնածուներին հաստատել»:
Անդրադառնալով Արամ Վարդևանյանի ելույթներին՝ Մանավազյանն ասաց, որ ընդդմիադիր պատգամավորն այդպես էլ հստակ պատասխաններ չի տվել իրեն ուղղված հարցերին:
«Ճիշտ է իրավական լեզուն հստակ պատասխան է սիրում հնչեցնել, բայց դուք խուսափում էիք, այդ թվում իմ գործընկեր Գարիկ Սարգսյանը լավ բնութագրեց, իսկապես կարատեի մաստեր կլաս եք ցույց տալիս, որն այնքան էլ լավ չէր նայվում»,-նշեց Մանավազյանը:
«Տեսակետ հնչեց, որ դուք «արդարության փաստաբանն եք», «տեսակետ հնչեց, որ դուք սատանյի փաստաբանն եք», բայց իրականում դուք հարուստ հաճախորդների փաստաբանն եք»,-ասաց Մանավազյանը:
