Բաժանորդագրվեք Zarkerak.am-ի տելեգրամ ալիքին։
«Ռոմեո Ջուլիետ. Դեժավյու». շատերին կարող է թվալ ծանոթ պատմություն, սակայն գալով ներկայացմանը՝ կտեսնեք բոլորովին այլ սցենար՝ անսպասելի զարգացումներով, աննկարագրելի էմոցիաներով, դերասանական փայլուն խաղով: Թշնամություն ազգերի միջև, պատերազմ, ցավ ու միաժամանակ ծնված սեր:
Երևանի Հ. Ղափլանյանի անվան պետական դրամատիկական թատրոնում կայացավ «Ռոմեո Ջուլիետ.Դեժավյու» ներկայացման պրեմիերան:
Լյուդվիգ Հարությունյանի սիրո դրամայում արծարծվող թեմաները կլանում են հանդիսատեսին, նրանց տեղափոխում բոլորովին այլ տեղ և պահում այնտեղ մինչև ներկայացման ավարտը: Ներկայացման մեսիջն այն է, որ սերը չի ճանաչում ազգություն, թշնամանք, պատերազմ, ժամանակ ու տարածություն, միաժամանակ սյուժեն ցույց է տալիս, որ այդ սերը պետք է կարողանալ ժամանակին խոստովանել: Անտառի տնակն ու հրամանատարի ներկայությունն անգամ չեն խանգարում, որպեսզի հերոսը բացահայտի իր զգացմունքները, սակայն պատերազմից ծնված վախն ու անսպասելի իրադարձությունը հերոսների սերն ընդհատում է:
Ներկայացման դերերում են Իննա Խոջամիրյանը, Ռուբեն Մուրադյանը և Արամ Կարախանյանը: Պիեսի հեղինակն Անահիտ Աղասարյանն է, նկարչական ձևավորումը Հրաչ Քեշիշյանինն է, պրոդյուսերն Արման Միտոյանն է, ներկայացումը Mitoyan Production-ի և Art Platform Production-ի համատեղ նախագիծն է: Ներկայացումն իրականացվում է Երևանի քաղաքապետարանի աջակցությամբ:
«Ռոմեո Ջուլիետ.Դեժավյու»-ն կարող եք դիտել այսօր՝ սեպտեմբերի 15-ին, ժամը 19:30-ին Հ. Ղափլանյանի անվան պետական դրամատիկական թատրոնում:
