Բաժանորդագրվեք Zarkerak.am-ի տելեգրամ ալիքին։
ԱՄՆ Հավայան նահանգը արտակարգ դրություն է հայտարարել «Կիկո» փոթորկի մոտենալու հետ կապված հնարավոր եղանակային պայմանների պատճառով:
Այս մասին ասված է Հավայան նահանգի նահանգապետի պաշտոնակատար Սիլվիա Լյուքի հայտարարության մեջ։
Արտակարգ դրությունը Հավայան կղզիներում ուժի մեջ է մտել սեպտեմբերի 5-ին և կտևի մինչև սեպտեմբերի 19-ը, եթե այն չվերացվի կամ չերկարաձգվի։
Ազգային փոթորիկների կենտրոնի տվյալներով՝ «Կիկո» փոթորիկը գտնվում է Հավայան կղզիների Հիլոյից 1710 կիլոմետր (1060 մղոն) արևելք-հարավ-արևելք, իսկ քամու առավելագույն արագությունը ժամում 220 կիլոմետր (135 մղոն/ժամ) է։
Փոթորիկը շարժվում է արևմուտք-հյուսիս-արևմուտք ուղղությամբ ժամում 17 կիլոմետր (10 մղոն/ժամ) արագությամբ։
