Բաժանորդագրվեք Zarkerak.am-ի տելեգրամ ալիքին։
«Ուզում եմ բոլորիդ անունից շնորհակալություն հայտնել մեր քաղաքապետին՝ պարոն Ավինյանին կենսաապահովման ոլորտում, ենթակառուցվածքների ոլորտում ցուցաբերած անմիջական, հետևողական և շատ սիստեմատիկ աշխատանքի համար՝ մեր գործընկերների հետ՝ կառավարություն, մատակարար ընկերություններ»,- ասել է Երևանի քաղաքապետի խորհրդական Կամո Արեյանը՝ ներկայացնելով մայրաքաղաքում իրականացված ծրագրերը: Ըստ նրա՝ այս ծրագրերը կարող էին անցնել քաղաքապետարանի կողքով կամ մնային դարակներում, եթե չլիներ քաղաքային իշխանության հետևողականությունը:
Արձագանքելով՝ քաղաքապետ Տիգրան Ավինյանն էլ շնորհակալություն է հայտնել գործընկերներին. «Շատ դրական է նաև այն, որ կառավարությունն է սկսել իրականացնել կոյուղատար համակարգի արդիականացումը, այսինքն՝ քաղաքապետարանը միայն այլևս վթարային ծանր դեպքերով է զբաղվում, և մեր բյուջեի այդ հատվածով ծանրաբեռնվածությունը թեթևացրել ենք»:
Նա նշել է, որ դեռ կան լուծելու խնդիրներ, մասնավորապես՝ Երևանում խմելու ջրամատակարարման ժամերի հետ կապված. «Քննարկվում է նոր աղբյուրներից ջրամատակարարման հարցը»,- ասել է նա՝ կարևորելով նաև կորուստների վերացման հարցում աջակցությունը:
