Բաժանորդագրվեք Zarkerak.am-ի տելեգրամ ալիքին։
«Ուզում եմ շնորհակալություն հայտնել ԱԺ նախագահ Ալեն Սիմոնյանին՝ վերջին հինգ տարիներին ԱԺ նախագահի պարտականությունները փայլուն կատարելու համար: Պարոն Սիմոնյանը շատ կարևոր ժամանակաշրջանում է ԱԺ նախագահ եղել, աշխարհի ամենահեշտ ԱԺ-ում չէ, որ նախագահ է եղել, բոլորս տեսել ենք՝ ինչ մարդկանց հետ է շփվել»,-ԱԺ նիստում ասաց ԱԺ փոխնախագահ Ռուբեն Ռուբինյանը:
Ռուբինյանի խոսքով՝ այս տարիների ընթացքում ՀՀ-ն անցել է բազմաթիվ բարդությունների, դժվարությունների միջով, բայց բոլորը ՀՀ վարչապետի գլխավորությամբ, ԱԺ-ում էլ պարոն Սիմոնյանի գլխավորությամբ հասել են ամենակարևոր խոստման կատարմանը՝ խաղաղությանը. «Ուզում եմ շնորհակալություն հայտնել պարոն Սիմոնյանին մեր քաղաքական թիմն առաջնորդելու համար: Սա դեռ ամենը չէ, պարոն Սիմոնյանը մենակ չի արել, մեզ լքում է նաև ԱԺ լավագույն փոխնախագահ Հակոբ Արշակյանը, ուզում եմ շնորհակալություն հայտնել նաև պարոն Արշակյանին՝ իր պարկեշտության և քաղաքական սկզբունքայնության համար: Շնորհակալություն եմ հայտնում ՔՊ-ին պնդության, հաստատակամության համար և խմբակցության ղեկավար Հայկ Կոնջորյանին, ով կրկին փայլուն կատարեց իր առաքելությունը»:
