Բաժանորդագրվեք Zarkerak.am-ի տելեգրամ ալիքին։
Մենք մեր վերաբերմունքը չենք փոխելու և մեր վերադարձը ՀԱՊԿ չենք տեսնում: Այս մասին Սլովենիայաի ԱԳ նախարարի հետ համատեղ ասուլիսի ժամանակ հայտարարեց ՀՀ ԱԳՄԱ նախարար Արարատ Միրզոյանը՝ անդրադառնալով ՀԱՊԿ—ից Հայաստանին հեռացնելու մասին վերջերս հնչող հայտարարություններին:
«Վաղուց այդ կառույցի աշխատանքներին մեր մասնակցությունը դադարեցրել ենք, մեր անդամակցությունը սառեցրել ենք: Եթե կառույցի մյուս անդամները կամ Գլխավոր քարտուղարությունը ինչ-որ մեկնաբանություններ են անում այս հարցով, ուրեմն իզուր»,-ասաց Միրզոյանը:
Անդրադառնալով վիզաների ազատականացման մասին հարցին Միրզոյանը նշեց, որ ԵՄ-ի և անդամ պետությունների կողմից այս հարցում Հայաստանին տրամադրված աջակցող գործընթացը կատարվել է բավականին մեծ արագությամբ:
«Հիմա ավելի շատ մեր անելիքները կան, այսինքն եթե դուք կոնկրետ ժամկետ եք հարցնում, ապա կարծում եմ ճիշտ կլինի Հայաստանի հասարակությանը ասել, որ դա մեզնից է կախված: Սկսած օրենսդրական փոփոխություններից վերջացրած տեխնիկական փոփոխություններով: Որքան արագ աշխատենք այնքան շուտ կունենանք դրական արդյունք»,-ասաց Նախարարը:
Պատասխանելով Հայաստանում անցկացված ընտրությունների վերաբերյալ ԵԽԽՎ զեկույցին Միրզոյանը նշեց, որ զեկույցի վերջնական եզրակացությունում ընդգծվում էր, որ Հայաստանում անցկացված ընտրական գործընթացները ամբողջապես համապատասխան են ամենաբարձր միջազգային ստանդարտներին, թափանցիկ էին՝ ժողովրդի կամարտահայտությամբ:
